ಮುಂದುವರಿದ 4ನೇ ದಿನ

 

ರಾತ್ರಿ 10.55

 

ವಾಸುಕಿ ವೈಭವ್ ತಮ್ಮ ಹೆಸರನ್ನು ಪ್ರಿಯಾಂಕ `ವಿವೇಕ್’ ಎಂದು ಕರೆಯುವ ಬಗ್ಗೆ ನೆನಪಿಸಿ ನಗುತ್ತಾರೆ. ಬಾತ್ ರೂಮ್  ಕ್ಲೀನ್ ಮಾಡುತ್ತಾ ಶೈನ್ ಶೆಟ್ಟಿ, ಕುರಿ ಪ್ರತಾಪ್, ವಾಸುಕಿ ವೈಭವ್ ಮೊದಲಾದವರು ಹಾಡುತ್ತಿರುವಾಗ ರಾಜು ತಾಳಿಕೋಟೆ ಬಂದು ಸದ್ದು ಮಾಡಬೇಡಿ ನಿದ್ದೆ ಬರಲ್ಲ, ಶಬ್ದ ಕಡಿಮೆ ಮಾಡಿ ಎಂದು ಹೇಳುತ್ತಾರೆ.

 

ಮಧ್ಯರಾತ್ರಿ 2.20

 

ವಾಸುಕಿ ಒವನ್ ನಲ್ಲಿ ನೀರು ಕಾಯಿಸಿ ರವಿ ಬೆಳಗೆರೆಗೆ ಕೊಡುತ್ತಾರೆ. ವಾಸುಕಿಯಲ್ಲಿ `ಬ್ರದರ್ಸ್ ಇದ್ದಾರಾ’ ಎಂದು ವಿಚಾರಿಸುತ್ತಾರೆ, ರವಿ ಬೆಳಗೆರೆ. `ಇಲ್ಲಅಕ್ಕ ಇದ್ದಾರೆ ಮದುವೆ ಆಗಿದೆ’ ಎನ್ನುತ್ತಾರೆ ವಾಸುಕಿ. `ಜೀವನಲ್ಲಿ ನಾಟಕ, ಸಂಗೀತ ಅಂತ ತಿರುಗುವುದು ಬಿಟ್ಟು ಕೆಲಸ ಅಂತ ಹುಡುಕು, ನಿನಗೆ ಏನಾದರೂ ಹೆಲ್ಪ್ ಬೇಕಾದರೆ ನಾನು ಮಾಡುತ್ತೇನೆ. ಏನಾದರೂ ಮಾಡು, ಒಂದು ನಿಗದಿತ ವೇತನದ ಕೆಲಸಕ್ಕೆ ಸೇರು’ ಎಂದು ಬುದ್ಧಿವಾದ ಹೇಳುತ್ತಾರೆ.

 

5ನೇ ದಿನ ಬೆಳಿಗ್ಗೆ 08.35

 

ಅಡುಗೆ ಕೋಣೆಯಲ್ಲಿ ಟೀ ಕುಡಿದು ಟೀ ಪುಡಿಯನ್ನು  ಬೇಸಿನ್ ಮೇಲೆ ಚೆಲ್ಲಿದ್ದು, ಮಗ್ ಇಟ್ಟಿದ್ದು ಕಂಡು , ಜೈಜಗದೀಶ್ ರೋಸಿ ಹೋಗುತ್ತಾರೆ.

 

ಸಮಯ 10.00

 

ರಾಜು ತಾಳಿಕೋಟೆ ತಮಗೆ ಕುರಿ ಪ್ರತಾಪ್ ಹೊರತು ಪಡಿಸಿ ಮನೆಯ ಎಲ್ಲರ ಹೆಸರುಗಳು ಪದೇ ಪದೇ ಮರೆತು ಹೋಗುತ್ತವೆ ಎನ್ನುತ್ತಾರೆ. ಅಲ್ಲಿ ದೀಪಿಕಾ, ಕುರಿ ಪ್ರತಾಪ್ ಇರುತ್ತಾರೆ.

 

ಸಮಯ 10.20

 

ಹಾವಭಾವ ಸ್ವಭಾವ ಚಟುವಟಿಕೆ. ಅದುವೇ ರವಿ ಕಂಡಂತೆ. ಗುಣ ಸ್ವಭಾವಗಳನ್ನು ಪರಮಾರ್ಶಿಸಿ ಬ್ಯಾಜ್ ನಲ್ಲಿ ಬರೆಯಬೇಕು.

ಲಿವಿಂಗ್ ಏರಿಯಾದಲ್ಲಿ ಜೈಜಗದೀಶ್, ರಾಜು ತಾಳಿಕೋಟೆ, ಚಂದನಾ, ಸುಜಾತಾ, ಕುರಿ ಪ್ರಾತಪ್, ವಾಸುಕಿ, ಶೈನ್, ಸುಜಾತ ಎಲ್ಲರೂ ಕುಳಿತಿರುವಾಗ ಹರೀಶ್ ರಾಜ್ ಅಕ್ಷಯ್ ಕುಮಾರ್ ಅವರಂತೆ ಮಿಮಿಕ್ರಿ ಮಾಡುತ್ತಾರೆ.

 

ಸಮಯ 10.55

 

ರವಿ ಬೆಳಗೆರೆಯವರು ಸದಸ್ಯರಿಗೆ ಶೀರ್ಷಿಕೆಗಳನ್ನು ನೀಡಲು ಶುರು ಮಾಡುತ್ತಾರೆ.

ಹರೀಶ್ ರಾಜ್ - ಸಾವಿರ ಸೋಲುಗಳಿಗೆ ಹತಾಶನಾಗದ ಸರದಾರ.

ರಾಜು ತಾಳಿಕೋಟೆ- ಎರಡು ಕಟ್ಟಿದ್ದು `ಸಾಕೆಂದು ಸಾಕೆಂದು’ ನಿರ್ಧರಿಸಿರುವ ತಾಳಿಕೋಟೆ.

ವಾಸುಕಿ ವೈಭವ್– ಅವಳ್ಯಾರು ವಾಸುಕಿ ವೈಭವ್ ಇನ್ನಾದರೂ ವೈಭವಿಸಲಿ

(ವೈಭವ್ ಹೆಸರಿನ ಮುಂದಿರುವ ವಾಸುಕಿಯ ಬಗ್ಗೆ ರವಿಬೆಳಗೆರೆಯ ಕುತೂಹಲಕ್ಕೆ ಅವಳು ನಮ್ಮಜ್ಜಿ ಎಂದು ವಿವರಿಸುತ್ತಾರೆ ವಾಸುಕಿ.)

ಕುರಿ ಪ್ರತಾಪ್ - ಮಚ್ಚು ಮಸೆದರೂ ಮಂಕಾಗದಿರು ಕುರಿ.

ದುನಿಯಾ ರಶ್ಮಿ – ದುನಿಯಾ ವಿಸ್ತಾರಗೊಳ್ಳಲೆಂದು ಕಾದಿರುವ ವಿನಯಕಂಗಳ ಹುಡುಗಿ ರಶ್ಮಿ.

ಕಿಶನ್ – ಕುಣೀತಿರು ಕುಣಿಯುತ್ತಿರು ಕಿಶನ್; ರಾಧೆ ಬಂದು ಕಿತ್ತುಕೊಳ್ಳೋ ತನಕ ಕೊಳಲು

ದೀಪಿಕಾದಾಸ್- ನಿನ್ನ ದಾಸಾನುದಾಸ ನಾನು, ನನ್ನ ಸಿಗರೇಟುಗೆ ಒದಗಿಸುತ್ತಿರು ದೀಪ

ಚಂದನಾ – ಚಂದದ ಚೆಲುವೆ ಚಂದನಾ, ನನ್ನ ಡಯಾಬಿಟಿಸ್ ವಾಸಿಯಾದ ದಿನ ನಿನಗೆ ಬೊಗಸೆ ತುಂಬಾ ರಸ್ ಮಲಾಯಿ

ಪ್ರಿಯಾಂಕ- ನನಗೆ ದಿನಕ್ಕೊಂದು ವಿಲನಿಶ್ ಮುತ್ತು ಕೊಡೆ ವಿಷಕನ್ಯೆ.

ಇವೆಲ್ಲವೂ ರವಿಬೆಳಗೆರೆಯವರ ಲೇಖನಿಯಲ್ಲಿ ಸೃಷ್ಟಿಯಾಗುವ ಪದಗಳು.

ಸುಜಾತಾ ದಿಢೀರ್ ನಿಂಬೆಕಾಯಿ ಉಪ್ಪಿನಕಾಯಿ ಮಾಡಿದ ಬಗ್ಗೆ ಕ್ಯಾಮೆರಾ ಮುಂದೆ ಹೇಳುತ್ತಾರೆ. ಮೊಸರು ಕಳುಹಿಸಿಕೊಡಿ ಎಂದು ಬಿಗ್ ಬಾಸ್ ನಲ್ಲಿ ಕೇಳಿಕೊಳ್ಳುತ್ತಾರೆ.

 

ಸಮಯ 03.25

 

ಡೈನಿಂಗ್ ಟೇಬಲ್ ಬಳಿ ಸುಜಾತಾ ಮತ್ತು ಭೂಮಿ ಮಾತನಾಡುತ್ತಾರೆ. ನಿದ್ದೆ ಬರ್ತಿದೆ, ಹೊಟ್ಟೆ ತುಂಬಾ ಊಟ ಮಾಡಿದ ಕಾರಣ ಎನ್ನುತ್ತಾರೆ ಸುಜಾತಾ.

ರಾಜು ತಾಳಿಕೋಟೆಗೆ ಬಿಗ್ ಬಾಸ್ ನಿಂದ ಪ್ರಶ್ನೆ `ಡ್ರೈವರ್ ಆಗಿ ಕೆಲಸ ಮಾಡಿದ್ದೀರಾ, ಬೇರೆಯವರು ಬಂದು ಗುದ್ದಿದರೆ ಏನು ಮಾಡ್ತೀರಾ?’ ಎಂದು. ಸುದೀಪ್ ನೀಡಿದ  ಲಕೋಟೆ ತೆರೆದಾಗ ಅದರಲ್ಲಿ `ಕೇರ್ ಲೆಸ್ ಆಗಿ ಬಂದು ಆಟೋ ಡ್ರೈವರ್ ಮುಖಕ್ಕೆ ಗುದ್ದಿದವರು’ ಎನ್ನುವ ವಾಕ್ಯ ಇರುತ್ತದೆ.

ಗುರುಲಿಂಗ ಸ್ವಾಮಿಗಳಿಗೆ ಕೇಳಲಾದ ಪ್ರಶ್ನೆ - ಲಿಮ್ಕ ಜ್ಯೂಸ್ ಕುಡಿದಿದ್ದೀರಾ? ನಟನೆಯಲ್ಲಿ ಲಿಮ್ಕಾ ರೆಕಾರ್ಡ್ ಮಾಡಿದವರ ಬಗ್ಗೆ ಗೊತ್ತೇ?’ ಎನ್ನುವುದಾಗಿರುತ್ತದೆ.

ಜೀವನದಲ್ಲಿ ಸಾಧನೆ ಮಾಡುವಲ್ಲಿ ಹೆತ್ತವರ ಪಾತ್ರ ಪ್ರಮುಖ. ಅಂಥ ಸುಂದರ ಕ್ಷಣಗಳನ್ನು ಮೆಲುಕು ಹಾಕಲು ಬಿಗ್ ಬಾಸ್ ನೀಡುವ ಚಟುವಟಿಕೆ `ಅಪ್ಪಅಮ್ಮ’. ಸದಸ್ಯರು ಅದರ ತಯಾರಿಯಲ್ಲಿ ತೊಡಗುತ್ತಾರೆ.

 

ಸಂಜೆ 06.15

 

ಹರೀಶ್, ಜೈಜಗದೀಶ್ ಜತೆಗೆ ಮಾತನಾಡುವ ವೈಭವ್, ಪ್ರಿಯಾಂಕ ತಮಗೆ ಪದೇ ಪದೇ ಹೊಡೆದು ಮಾತನಾಡುವ ಬಗ್ಗೆ ಬೇಸರ ವ್ಯಕ್ತಪಡಿಸುತ್ತಾರೆ.

ಚಟುವಟಿಕೆಗೆ ಮೀಸಲಾದ ವೇದಿಕೆಯಲ್ಲಿ ಚಂದನಾ ತಮ್ಮ ತಂದೆ  ಅನಂತಕೃಷ್ಣರನ್ನು ನೆನಪಿಸಿಕೊಳ್ಳುತ್ತಾ `ನಾನು ನೋಡಿದ ಮೊದಲ ವೀರ ಗೀತೆಯನ್ನು ಹಾಡುತ್ತಾರೆ. ಇದೇ ವೇಳೆ ಅಮ್ಮನ ಹೇಳುತ್ತಾ `ಅಮ್ಮ ಹಚ್ಚಿದ ಒಂದು ಹಣತೆ…ಇನ್ನೂ ಬೆಳಗಿದೆ’ ಎಂದು ಹಾಡುತ್ತಾರೆ. ರವಿ ಬೆಳಗೆರೆ ಸೇರಿದಂತೆ ಸದಸ್ಯರು ಅನೇಕರು ಅತ್ತು ಬಿಡುತ್ತಾರೆ.

​