ವಾಸ್ತವದಲ್ಲಿ ಸಿನಿಮಾಗಿಂತಲು ಪ್ರಖರವಾದ ಕಲಾ ಪ್ರಕಾರ ರಂಗಭೂಮಿ. ಭಾರತೀಯ ಸಿನಿಮಾರಂಗಕ್ಕೆ ಅದರಲ್ಲಿಯೂ ಕನ್ನಡ ಚಿತ್ರರಂಗಕ್ಕೆ ರಂಗಭೂಮಿಯ ಭದ್ರವಾದ ತಳಪಾಯ ಇದೆ. ಕನ್ನಡ ಚಿತ್ರರಂಗದ ಪ್ರಥಮ ನಾಯಕ ನಟ ಸುಬ್ಬಯ್ಯ ನಾಯ್ಡು, ಪ್ರಥಮ ತಾರೆ ಡಾ.ರಾಜಕುಮಾರ್ ಅವರಿಂದ ಹಿಡಿದು ಇಂದಿನ ದರ್ಶನ್ ತನಕ ಜನಪ್ರಿಯ ನಟರಾದವರಿಗೆ ಒಂದು ರಂಗಭೂಮಿಯ ಹಿನ್ನೆಲೆ ಇದೆ ಎನ್ನುವುದು ವಿಶೇಷ. ಇಂದಿಗೂ ರಂಗಭೂಮಿಯಿಂದ ಸಿನಿಮಾ, ಧಾರಾವಾಹಿ ಕ್ಷೇತ್ರಗಳಿಗೆ ಪ್ರವೇಶಿಸುತ್ತಿರುವವರು ಅಥವಾ ರಂಗಭೂಮಿಯಲ್ಲಿದ್ದುಕೊಂಡೇ ಗಮನ ಸೆಳೆಯುತ್ತಿರುವವರ ಮಾಹಿತಿ, ಹಿರಿಯ ರಂಗ ದಿಗ್ಗಜರು, ಜನಪ್ರಿಯ ನಾಟಕಗಳು ಮೊದಲಾದ ಎಲ್ಲ ವಿಚಾರಗಳ ಚಿತ್ರಗಳನ್ನು ನಿಮ್ಮ ಮುಂದಿಡುವ ಪ್ರಯತ್ನವೇ ‘ರಂಗ ಚಿತ್ರ’ ಎನ್ನುವ ಈ ವಿಭಾಗ. ಪ್ರಚಾರಗಳಿಂದ ಸದಾ ದೂರವಿರುವ ರಂಗಭೂಮಿಯ ಪ್ರತಿಭಾವಂತರಿಗೆ ಈ ವಿಭಾಗ ಸಹಕಾರಿಯಾದೀತು ಎನ್ನುವ ನಂಬಿಕೆ ನಮ್ಮದು.